Սաուդյան Արաբիայի Պետական ներդրումների հիմնադրամի (PIF) ներկայացուցիչները կապ են հաստատել Ֆրանսիայի ազգային հավաքականի գլխավոր մարզիչ Դիդյե Դեշամի շրջապատի հետ՝ քննարկելու նրա հնարավոր տեղափոխությունը 2026 թվականի աշխարհի առաջնությունից հետո։ Այս մասին հայտնում է ինսայդեր Սաշա Տավոլիերին։
Դեշամը Ֆրանսիայի հավաքականի գլխավոր մարզիչի պաշտոնը ստանձնել է 2012 թվականին՝ թիմին հասցնելով աշխարհի չեմպիոնության 2018-ին և եզրափակիչ 2022-ին։ Նրա գործող պայմանագիրը Ֆրանսիայի ֆուտբոլի ֆեդերացիայի հետ ուժի մեջ է մինչև 2026 թվականի աշխարհի առաջնության ավարտը։ Փետրվարին Դեշամը հայտարարել է, որ չի պատրաստվում երկարաձգել պայմանագիրը և 14 տարվա աշխատանքից հետո կհեռանա հավաքականից։
Մարզչին մոտ կանգնած աղբյուրները նշել են, որ Սաուդյան Արաբիայից ցուցաբերված հետաքրքրությունը հաճելի է, սակայն դեռևս «շատ վաղ է» լուրջ բանակցություններ սկսելու համար։
