«Մանչեսթեր Սիթին» հայտարարել է «Լիոնի» հարձակողական ոճի կիսապաշտպան Ռայան Շերկիի տեղափոխության մասին։
21-ամյա խաղացողը հնգամյա պայմանագիր է կնքել «քաղաքայինների» հետ՝ մինչև 2030 թվականը։
L’Equipe-ը ավելի վաղ հայտնել էր, որ անգլիական գրանդը ֆրանսիացու համար «Լիոնին» կվճարի 40 միլիոն եվրոյից մի փոքր ավելի գումար։
Հիշեցնենք, որ Ռայան Շերկին վերջերս նշել է իր նորամուտը Ֆրանսիայի ազգային հավաքականում։ Ազգերի լիգայի Իսպանիայի դեմ խաղում (4:5) նա դարձել է գոլի և գոլային փոխանցման հեղինակ։
