«Բարսելոնայի» մարզական տնօրեն Դեկուն խոսել է ակումբի հարձակվող Լամին Յամալի մասին, ինչպես նաև պատասխանել է 17-ամյա ֆուտբոլիստի նոր պայմանագրի ֆինանսական պայմանների մասին հարցին։ Ավելի վաղ լրատվամիջոցները հայտնել էին, որ իսպանացի ֆուտբոլիստն այժմ տարեկան վաստակում է մոտ 15 միլիոն եվրո։
«Լամին Յամալն այնպիսի խաղացող է, որը հայտնվում է մի քանի տարին մեկ։ Նա ոչ միայն հմտություն ունի, այլև շատ հասուն է իր տարիքի համար։
Նոր պայմանագի՞րը։ Կարևոր չէ՝ Լամինը 17, 27, թե 30 տարեկան է։ Մենք պետք է նույն հարգանքը ցուցաբերենք բոլորի նկատմամբ։ Խաղացողը երկարաձգում է իր պայմանագիրը և գնահատվում է՝ հիմնվելով ակումբին առաջարկածի վրա։ Կարևոր չէ՝ նա 17, թե 18 տարեկան է։ Կարևորը նրա խաղն է։ Ես կարծում եմ, որ Լամին Յամալը շատ լավ է հաղթահարում իր իրավիճակը, և նա ցույց է տվել, որ ունի այն մտավոր կարողությունները, որոնք անհրաժեշտ են այս իրավիճակը հաղթահարելու համար», — Դեկուի խոսքերն է մեջբերում Barca Universal-ը։
Յամալը «Բարսելոնայի» երիտասարդական համակարգի սան է։ 2024/2025 մրցաշրջանում նա բոլոր մրցաշարերում մասնակցել է 55 խաղի, խփել 18 գոլ և կատարել 25 գոլային փոխանցում։ Ֆուտբոլիստի ներկայիս աշխատանքային պայմանագիրը կատալոնական ակումբի հետ ուժի մեջ է մինչև 2031 թվականի ամառը։
