Այսօր՝ հունիսի 8-ին, կկայանա 2024/2025 թվականների ՈՒԵՖԱ Ազգերի լիգայի եզրափակիչ խաղը Պորտուգալիայի և Իսպանիայի միջև։ Հանդիպումը կկայանա Մյունխենի (Գերմանիա) «Արենա Մյունխեն» մարզադաշտում։ Խաղի գլխավոր մրցավարը կլինի շվեյցարացի Սանդրո Շերերը։
Հանդիպումը կմեկնարկի ժամը 23։00-ին, իսկ թիմերը խաղադաշտ դուրս կգան հետևյալ կազմերով՝
Պորտուգալիա՝ Կոստա, Նևեշ, Դիաս, Ինասիո, Մենդեշ, Վիտինյա, Բեռնարդո Սիլվա, Ֆերնանդեշ, Նետո, Կոնսեյսաո, Ռոնալդու։
Իսպանիա՝ Սիմոն, Մինգեսա, Լե Նորման, Հյույսեն, Կուկուրելյա, Սուբիմենդի, Ռուիս, Պեդրի, Յամալ, Ուիլյամս, Օյարսաբալ։
Կիսաեզրափակիչ փուլում Պորտուգալիայի հավաքականը 2:1 հաշվով հաղթեց Գերմանիային։ Իսպանիայի հավաքականը 5:4 հաշվով հաղթեց Ֆրանսիային։ «Լա Ֆուրիա Ռոխան» մրցաշարի գործող հաղթողն է։ Պորտուգալիայի ազգային հավաքականը Ազգերի լիգան նվաճել է 2019 թվականին։
Վերջին անգամ Պորտուգալիան և Իսպանիան Ազգերի լիգայի խմբային փուլի խաղում հանդիպել են 2022 թվականին։ Այդ խաղում իսպանացիները հաղթել են 1։0 հաշվով։
