Վերջին օրերին «Բարսելոնայի» մարզական տնօրեն Դեկուն բանակցություններ է վարում պաշտպան Կլեման Լանգլեի հետ՝ նրա պայմանագրի վաղաժամ խզման վերաբերյալ։ Ինչպես տեղեկացնում է Marca-ն, ֆուտբոլիստի գործող պայմանագրի ավարտին դեռ երկու տարի կա։
29-ամյա ֆրանսիացի պաշտպանը նախորդ մրցաշրջանը վարձավճարով անցկացրեց Մադրիդի «Ատլետիկոյում»։ Թեպետ «ներքնակագործները» չէին գնել Լանգլեի տրանսֆերը, այժմ դեռ հետաքրքրված են նրան իրենց կազմում պահելով։
Աղբյուրի փոխանցմամբ՝ Լանգլեն շատ մոտ է «Բարսելոնայի» հետ պայմանագիրը խզելուն։ Երբ նա դառնա ազատ գործակալ, «Ատլետիկոն» պատրաստ է պաշտոնական առաջարկ անել։
Նշվում է, որ Կլեման Լանգլեի աշխատավարձը «Բարսելոնայում» կազմում է շուրջ 16 միլիոն եվրո մեկ մրցաշրջանի համար։ Պաշտպանը պատրաստ է հրաժարվել գումարի մի հատվածից, սակայն կատալոնական ակումբը դեռևս պետք է նրան փոխհատուցում վճարի պայմանագրի չեղարկումից առաջ։
