«Լիվերպուլի» պաշտպան Վիրջիլ վան Դայկը չի պատրաստվում դիտել Չեմպիոնների լիգայի խաղարկության եզրափակիչը։ Այս մասին հայտնում է L’Équipe-ը։
«Վերջերս խաղացել եմ ՊՍԺ-ի դեմ, և նրանք մեծ տպավորություն են թողել ինձ վրա։ «Ինտերը» հավանաբար մի փոքր ավելի փորձառու է, քանի որ վերջերս ևս հայտնվել էր Չեմպիոնների լիգայի եզրափակիչում։ Սակայն կարող եմ ասել, որ չեմ պատրաստվում դիտել նրանց մասնակցությամբ հանդիպումը, քանի որ ցանկանում եմ վայելել իմ արձակուրդը»,- նշել է մերսիսայդցիների ավագը։
Հիշեցնենք, որ մրցաշարի եզրափակիչը կկայանա շաբաթ՝ մայիսի 31-ին, որտեղ միմյանց դեմ կմրցեն ՊՍԺ-ն և Միլանի «Ինտերը»։
