«Նապոլիի» կիսապաշտպան Սքոթ ՄաքՏոմինեյը գնահատել է ակումբի հաղթանակն Ա Սերիա-ում։
«Բառեր չունեմ, սա անհավանական է։ Այս թիմի յուրաքանչյուր ֆուտբոլիստի կատարած զոհողությունները պարզապես զարմանալի են։ Երկրպագուներն արժանի են դրան. նրանք մեզ հետ են եղել առաջին օրվանից։
Ինձ համար այստեղ լինելը և այս ամենը զգալը երազի պես է։ Ես նույնիսկ մոռացա գոլի մասին, քանի որ այնքան շատ բան էր կատարվում։ Մենք կենտրոնացած էինք, բայց, իհարկե, անհանգստություն և լարվածություն կար։ Հիմա մենք պետք է վայելենք այս պահը մեր երկրպագուների հետ միասին։
Մենք պետք է հաջորդ մրցաշրջան վերադառնանք նույն էներգիայով և ոչ մի կերպ չդանդաղեցնենք տեմպը», — ՄաքՏոմինեյի խոսքերն է մեջբերում Football Italia-ն։
