Անգլիական «Մանչեսթեր Սիթիի» բելգիացի կիսապաշտպան Կևին դե Բրույնեն մոտ է իտալական «Նապոլի» տեղափոխվելուն։ Այս մասին հաղորդում է լրագրող Ջանլուկա Դի Մարցիոյի կայքը։
Աղբյուրի փոխանցմամբ՝ Բելգիայի հավաքականի 33-ամյա կիսապաշտպանը համաձայնել է տեղափոխվել իտալական թիմ։ Այս պահին կողմերը ակտիվորեն քննարկում են տեղափոխությունը։
Այս մրցաշրջանում Դե Բրույնեն «Մանչեսթեր Սիթիի» կազմում բոլոր մրցաշարերում անցկացրել է 38 խաղ, խփել վեց գոլ և կատարել ութ գոլային փոխանցում։ Ֆուտբոլիստի ներկայիս աշխատանքային պայմանագիրն իր ներկայիս ակումբի հետ ուժի մեջ է մինչև 2025 թվականի հունիսի 30-ը։ Transfermarkt ինտերնետային պորտալում տրամադրված տեղեկատվության համաձայն՝ ֆուտբոլիստի շուկայական արժեքը կազմում է 27 միլիոն եվրո։
