«Ռեալ Մադրիդի» երիտասարդական թիմի գլխավոր մարզիչ Ռաուլ Գոնսալեսը կհեռանա ակումբից ընթացիկ մրցաշրջանի ավարտին։
Պատճառը Խաբի Ալոնսոյի նշանակումն էր որպես գլխավոր թիմի մարզիչ, հաղորդում է Relevo-ն:
Ռաուլն ինքը հույս ուներ առաջխաղացման, ուստի հիասթափված է ակումբի ղեկավարության որոշումից։ Հիշեցնենք, որ Կարլո Անչելոտին Լա Լիգայում «Ռեալ Մադրիդի» վերջին հանդիպումից հետո կհեռանա «Ռեալի» գլխավոր մարզչի պաշտոնից և կանցնի աշխատանքի Բրազիլիայի ազգային հավաքականում։
Նրա տեղն ամենայն հավանականությամբ կզբաղեցնի Ալոնսոն, ով կլքի «Բայերը» գերմանական ակումբում երկու տարվա հաջող աշխատանքից հետո։
Նույն տեղեկությունով կիսվում է նաև As-ը։ Աղբյուրը նաև նշում է, որ Ռաուլը լուրջ առաջարկներ ունի «Լիդսից», «Վիլյառեալից» և «Շալկեից»։
