Ամերիկացի կիսապաշտպան Ջոնի Կարդոսոն դարձել է «Ատլետիկո Մադրիդի» գլխավոր նպատակներից մեկը ամառային տրանսֆերային պատուհանի ընթացքում՝ «Ռեալ Բետիսի» կազմում հիանալի մրցաշրջան անցկացնելուց հետո, հայտնում է Marca-ն։
23-ամյա ֆուտբոլիստը Մանուել Պելեգրինիի թիմի կարևորագույն ֆուտբոլիստներից է։
Կարդոսոյի ինտելեկտը, գնդակը խլելու ունակությունը և ճշգրիտ փոխանցումները նրան դարձրել են Լա Լիգայի ամենահետաքրքիր ֆուտբոլիստներից մեկը։
Նրա ելույթները աննկատ չեն մնացել, և «Ատլետիկոն» այժմ նրան դիտարկում է որպես իրենց կիսապաշտպանության երկարաժամկետ ուժեղացում։ Նրա էներգատար ֆուտբոլը և ֆիզիկական պատրաստվածությունը կատարյալ համապատասխանում են Դիեգո Սիմեոնեի պահանջկոտ ոճին։
