Մայիսի 21-ին Եվրոպա լիգայի եզրափակչում կմրցեն «Տոտենհեմը» և «Մանչեսթեր Յունայթեդը»։ Հանդիպումը կկայանա Բիլբաոյում և կմեկնարկի ժամը 23:00-ին։
Տոտենհեմ
Պրեմիեր լիգայի ավարտին մնացել է մեկ տուր, իսկ «Տոտենհեմը» զբաղեցնում է 17-րդ տեղը, ակումբը չի գտնվում ԱՊԼ-ից դուրս մնալու վտանգի տակ, բայց մրցաշարը ձախողվել է։ Երկրպագուները սովոր են, որ ակումբը փորձում է պայքարել Չեմպիոնների լիգայի համար, բայց այս տարի դրա մասին ոչ մի ակնարկ չկար։ Անգլիական լիգայի գավաթում լոնդոնցիները հասան կիսաեզրափակիչ, բայց ընդհանուր հաշվով պարտվեցին «Լիվերպուլին»։
Եվրոպա լիգան մրցաշրջանը փրկելու միակ հնարավորությունն է։ Հետևյալ ֆուտբոլիստները հնարավոր է բաց թողնեն առաջիկա եզրափակիչը. Բերգվալ, Դրագուշին, Ֆորսթեր, Կինսկի, Կուլուշևսկի, Մեդիսոն, Ռեգիլոն, Սքարլեթ, Վերներ։
Մանչեսթեր Յունայթեդ
ՄՅՈւ-ն ևս մեկ անհամոզիչ մրցաշրջան անցկացրեց։ Առաջնությունում Ամորիմի թիմը ընդամենը 16-րդ տեղում է։
Թիմի համար ԵԼ-ն հաղթելը, ինչպես իրենց այսօրվա մրցակիցների համար, սփոփանք կլինի անhաջող մրցաշրջանից հետո։ Դե Լիգտը, Մարտինեսը և Օբին չեն կարողանա օգնել թիմին այս հանդիպմանը։
Անձնական հանդիպումներն այս մրցաշրջանում
Մրցակիցներն այս մրցաշրջանում հանդիպել են երեք անգամ՝ Պրեմիեր լիգայում «Տոտենհեմը» հաղթել է արտագնա հանդիպումը՝ 1-0, ապա տանը՝ 3-0, ևս մեկ հանդիպում տեղի է ունեցել Անգլիայի լիգայի գավաթում, որտեղ նույնպես «Տոտենհեմը» հաղթել է 4-3 հաշվով։ «Մանչեսթերը» չի կարողանում հաղթել մրցակցին անընդմեջ վեց հանդիպում։
ԵԼ եզրափակիչ
Այս զույգում հստակ ֆավորիտ չկա, և մոտիվացիան խելահեղ կլինի։ Երկու ակումբների համար էլ ամեն ինչ կախված է այս հանդիպումից՝ տիտղոս, Չեմպիոնների լիգայում տեղը, ինչպես նաև մրցաշրջանի փրկությունը, իսկ պարտվողը ոչինչ չի ստանա։
Հաղթողը կսահմանի նաև ռեկորդ. պատմության մեջ երբեք չի եղել, որ իր լիգայում 16-րդ կամ 17-րդ տեղը զբաղեցնող թիմը հաղթի եվրագավաթ։ Սա «Մանչեսթեր Յունայթեդի» պատմության ամենավատ մրցաշրջանն է, «Տոտենհեմի» համար ամենավատ մրցաշրջանը՝ 1977 թվականից ի վեր։ Երկու գրանդներն էլ երկրպագուներին դեպրեսիայի մեջ են գցել, բայց կարող են փրկել մրցաշրջանը․․․ Եվրոպա լիգայում հաղթանակը անհրաժեշտ է բոլորին։
