«Ինտերի» գլխավոր մարզիչ Սիմոնե Ինձագին արդեն որոշել է մեկնարկային կազմը Մյունխենում կայանալիք Չեմպիոնների լիգայի եզրափակչի համար։ Այս մասին հայտնում է իտալական Corriere dello Sport-ը՝ FCInterNews-ի միջոցով։
Հենրիխ Մխիթարյանը մեկնարկային կազմում է
«Ինտերը» և «Փարիզ Սեն Ժերմենը» կմրցեն Եվրոպայի ամենահեղինակավոր ակումբային մրցաշարի եզրափակիչում մայիսի վերջին։ Սա մրցաշրջանի ամենակարևոր հանդիպումն է երկու թիմերի համար։ «Ինտերի» համար սա երեք տարվա ընթացքում երկրորդ եզրափակիչն է. 2023-ին նրանք 0:1 հաշվով պարտվել էին «Մանչեսթեր Սիթիին», և այժմ «ներաձուրիները» վճռական են տրամադրված։
ՊՍԺ-ի համար սա պատմության մեջ երկրորդ եզրափակիչն է։ Ֆրանսիական ակումբը դեռևս չի նվաճել Չեմպիոնների լիգան՝ 2020-ին 0:1 հաշվով զիջելով «Բավարիային»։
Մխիթարյանը՝ կազմի առանցքային խաղացող
Ըստ Corriere dello Sport-ի, Ինձագին վերջնականապես որոշել է եզրափակիչի մեկնարկային կազմը։
Դարպասում․ Յան Զոմմեր, ով առանցքային դեր է խաղացել փլեյ-օֆֆում
Պաշտպանություն․ Ալեսանդրո Բաստոնի, Ֆրանչեսկո Աչերբի, Բենժամեն Պավար
Կիսապաշտպանություն․ Հենրիխ Մխիթարյան, Հական Չալհանօղլու, Նիկոլո Բարելա։
Մխիթարյանի փորձը, մրցաշարային կայուն խաղը և հաղթանակի ձգտումը նրան դարձնում են կազմի առանցքային խաղացող։ Նա կարող է պատմություն կերտել՝ դառնալով առաջին ֆուտբոլիստը, ով նվաճել է ՈւԵՖԱ-ի բոլոր երեք գործող ակումբային տիտղոսները՝ Չեմպիոնների լիգա, Եվրոպայի լիգա և Կոնֆերենցիաների լիգա։
Եզրեր․ Ֆեդերիկո Դիմարկո, Դենզել Դումֆրիս
Հարձակում․ Լաուտարո Մարտինես, Մարկուս Թյուրամ
