«Լիվերպուլի» գլխավոր մարզիչ Առնե Սլոտը խոստովանել է, որ ժամանակից շուտ չեմպիոն հռչակվելուց հետո բավական դժվար է մոտիվացնել մոտիվացնել խաղացողներին մրցաշրջանի վերջին շաբաթներին։
«Այսքան օր անընդմեջ մարզվելը բավական բարդ է այն թիմի համար, որն արդեն ապահովել է չեմպիոնությունը։ Պետք է գտնել հավասարակշռություն հանգստի և հաջորդ խաղի համար լավ պատրաստվելու միջև», — ասել է Սլոտը Անգլիայի Պրեմիեր լիգայի (ԱՊԼ) 37-րդ տուրի՝ «Բրայթոնի» դեմ խաղից առաջ կայացած մամուլի ասուլիսում։
Այս շաբաթ Սլոտը նկատվել է Իբիցայում երեկույթների ժամանակ, իսկ «Լիվերպուլի» որոշ խաղացողներ տեսել են Դուբայում՝ հանգստի ընթացքում։
Սլոտը նշել է, որ 2024/25 մրցաշրջանում թիմի խաղացողները գրեթե չեն ունեցել ազատ օրեր։
«Հաշվի առեք, որ մեր խաղացողները մրցաշրջանի ընթացքում գրեթե երբեք մի քանի օր անընդմեջ հանգստի հնարավորություն չեն ունեցել։ Մենք երկար ժամանակ մասնակցել ենք Անգլիայի գավաթին, Լիգայի գավաթին, Չեմպիոնների լիգային և Պրեմիեր լիգային։ Որոշ թիմեր, հնարավոր է, ունեցել են հանգստի օրեր, բայց մեզ մոտ նման բան գրեթե չի եղել», — ընդգծել է գլխավոր մարզիչը։
«Լիվերպուլին» ԱՊԼ 2024/25 մրցաշրջանում մնացել է անցկացնել երկու խաղ՝ մայիսի 20-ին արտագնա հանդիպում «Բրայթոնի» դեմ և մայիսի 26-ին տնային խաղ «Քրիսթալ Փելասի» հետ։ «Կարմիրները» 36 խաղից հետո վաստակել են 83 միավոր՝ 15 միավորով առաջ անցնելով «Արսենալից»։ խաղացողներին մրցաշրջանի վերջին շաբաթներին։
