«Մանչեսթեր Յունայթեդի» գլխավոր մարզիչ Ռուբեն Ամորիմը մամուլի ասուլիսի ժամանակ պատասխանել է ակումբի տիտղոսի և Չեմպիոնների լիգայի մասնակցության միջև իր ընտրության վերաբերյալ հարցին։
«Ինձ համար Չեմպիոնների լիգան ավելի կարևոր է բոլոր առումներով՝ նոր մրցաշրջանի նախապատրաստության համատեքստում։ Մենք պետք է լինենք այս մրցաշարում, Եվրոպա լիգան մեզ բավարար չէ։ Դուք կարող եք դա զգալ «Մանչեսթեր Յունայթեդում»։ Մի քանի տարի անց մեզ գագաթնակետին հասցնելու լավագույն միջոցը Չեմպիոնների լիգան է, այլ ոչ թե առաջնությունը կամ գավաթները։ Ահա թե ինչու է Չեմպիոնների լիգան ինձ համար ավելի կարևոր», — Ամորիմի խոսքերն է մեջբերում «Մանչեսթեր Յունայթեդի» պաշտոնական կայքը։
Պրեմիեր լիգայի մրցաշարային աղյուսակում «Մանչեսթեր Յունայթեդը» 39 միավորով զբաղեցնում է 16-րդ տեղը։ Բացի այդ, «Կարմիր սատանաները» մայիսի 21-ին Եվրոպա լիգայի եզրափակչում կխաղան «Տոտենհեմի» դեմ։
