Անգլիայի ազգային հավաքականի նախկին ավագ և «Ինտեր Մայամիի» համասեփականատեր Դևիդ Բեքհեմը Պաոլո Մալդինիին անվանել է ֆուտբոլի պատմության լավագույն պաշտպան։ Իտալացի լեգենդը ողջ կարիերան անցկացրել է «Միլանում»։
«Երբ միացա «Միլանին», այնտեղ խաղում էին Պիրլոն, Նեստան և Մալդինին։ Պաոլոն բացառիկ էր՝ լավագույն ավագ, առաջնորդ և պաշտպան, որ երբևէ տեսել եմ։ Նույնիսկ 41 տարեկանում նա հիանալի կարդում էր խաղը», — մեջբերում է CBS Sports-ը Բեքհեմի խոսքերը։
Մալդինին կարիերան ավարտել է 2009-ին։ 2018-ին նա վերադարձել է «Միլան»՝ որպես զարգացման տնօրեն, ապա դարձել տեխնիկական տնօրեն։ 2023-ի հունիսին նա լքել է պաշտոնը՝ ակումբի նոր սեփականատիրոջ հետ տարաձայնությունների պատճառով։
25 տարում Մալդինին «Միլանի» կազմում անցկացրել է 902 պաշտոնական խաղ՝ սահմանելով ակումբի ռեկորդ։ 1997-2009 թվականներին եղել է թիմի ավագը։ Նա հինգ անգամ նվաճել է Չեմպիոնների լիգան (1989, 1990, 1994, 2003, 2007)։
