Մադրիդի «Ռեալի» թուրք ֆուտբոլիստ Արդա Գյուլերը պատմել է ակումբի հրավեր ստանալու պահի մասին:
«Հայրս ասաց, որ առաջարկ կա «Ռեալից»: Դա իմ երազանքն էր», — հիշում է Գյուլերը: Տրանսֆերից առաջ նա FaceTime-ով խոսել է գլխավոր մարզիչ Կառլո Անչելոտիի հետ:
«Անչելոտին ասաց. «Արդա, մեծ ապագա ունես: Երբ Մոդրիչն ու Կրոսը ծերանան, դու կխաղաս նրանց փոխարեն»: Իմ անունը նրանց կողքին լսելն անիրական էր», — ասել է Գյուլերը:
««Ռեալում» ներկայացումը նման է հարսանիքի: Երազանքս իրականացավ», — եզրափակել է նա:
19-ամյա կիսապաշտպանը «Ֆեներբահչեից» «Ռեալ» է տեղափոխվել 2023-ի ամռանը:
