Ըստ Il Fatto Quotidiano-ի, Չեմպիոնների լիգայի կիսաեզրափակչի՝ «Ինտեր» – «Բարսելոնա» խաղի վերջում «Ինտերի» երկրպագուի մոտ սրտի կանգ է գրանցվել:
Խաղը, որն ավարտվել է «Ինտերի» 4:3 հաշվով հաղթանակով լրացուցիչ ժամանակում, տեղի է ունեցել երեքշաբթի Միլանում:
40-ամյա տղամարդը, մարզադաշտից դուրս գալիս, վատ է զգացել և ընկել: Բժիշկները կիրառել են դեֆիբրիլյատոր և սրտի մերսում՝ վերականգնելով նրա սրտի ռիթմը: Տղամարդը կոմայի մեջ տեղափոխվել է հիվանդանոց, որտեղ նրա վիճակը կայունացել է:
«Ինտերը» Չեմպիոնների լիգայի եզրափակիչում կմրցի ՊՍԺ-ի հետ:
