ՊՍԺ-ի հարձակվող Ուսման Դեմբելեն բացակայել է թիմի մարզումից վնասվածքի պատճառով, հայտնում է լրագրող Ֆաբրիս Հոքինսը X սոցիալական ցանցում։
Աղբյուրի տվյալներով՝ կասկածելի է Դեմբելեի մասնակցությունը Չեմպիոնների լիգայի կիսաեզրափակչի պատասխան խաղին Լոնդոնի «Արսենալի» դեմ (մայիսի 7)։ Նաև քիչ հավանական է նրա խաղը Ֆրանսիայի առաջնության 32-րդ տուրում «Ստրասբուրգի» դեմ (մայիսի 3)։ Ակումբը դեռ չի հայտնում 27-ամյա ֆուտբոլիստի վնասվածքի լրջության մասին։
Այս մրցաշրջանում Դեմբելեն 45 խաղում խփել է 33 գոլ և կատարել 12 գոլային փոխանցում։ Նրա պայմանագիրը ՊՍԺ-ի հետ գործում է մինչև 2028 թվականի ամառ։ Transfermarkt-ի համաձայն՝ նրա շուկայական արժեքը 75 միլիոն եվրո է։
