«Մանչեսթեր Յունայթեդը» հետաքրքրված է «Չելսիի» կիսապաշտպան Քոուլ Պալմերով։ Այս մասին հաղորդում է TEAMtalk-ը՝ հղում անելով The Independent-ին։
Աղբյուրի փոխանցմամբ՝ «Յունայթեդը» ցանկանում է պայմանագիր կնքել անգլիացի ֆուտբոլիստի հետ։
Սակայն ակումբում նաև հասկանում են, որ նման տեղափոխության հավանականությունը ցածր է, քանի որ «Չելսին» չի ցանկանա բաց թողնել Պալմերին անմիջական մրցակցի թիմ։
Այս մրցաշրջանում Պալմերը բոլոր մրցաշարերում անցկացրել է մոտ 4 տասնյակ հանդիպում, խփել 14 գոլ և կատարել 9 գոլային փոխանցում։ Ֆուտբոլիստի ներկայիս պայմանագիրը լոնդոնյան ակումբի հետ նախատեսված է մինչև 2033 թվականի ամառը։
