«Լիվերպուլի» 33-ամյա հոլանդացի պաշտպան Վիրջիլ վան Դայկը երկարաձգել է պայմանագիրը մերսիսայդյան ակումբի հետ։ Այս մասին տեղեկացնում է ակումբի մամուլի ծառայությունը։
Նոր պայմանագիրը նախատեսված է մինչև 2027 թվականի ամառը։ Վան Դայկը «Լիվերպուլին» միացել է 2018 թվականի սկզբին՝ «Սաութհեմփթոնից»։ Այդ ընթացքում նա անցկացրել է 314 հանդիպում և դարձել 27 գոլի հեղինակ։
Ընթացիկ մրցաշրջանում Վիրջիլը մասնակցել է «Լիվերպուլի» 44 հանդիպման՝ խփելով 4 գոլ և կատարելով 1 գոլային փոխանցում։ Ֆուտբոլիստի նախորդ պայմանագիրն ավարտվելու էր 2025 թվականի հունիսին։
