Դորտմունդի «Բորուսիայի» մամուլի ծառայությունն արձագանքել է «Ռոմայի» 36-ամյա կենտրոնական պաշտպան Մատս Հումելսի՝ ընթացիկ մրցաշրջանի ավարտից հետո կարիերան ավարտելու որոշմանը։ 36-ամյա ֆուտբոլիստը նախկինում հանդես է եկել դորտմունդցիների կազմում։
«Բորուսիայի, Բունդեսլիգայի և համաշխարհային ֆուտբոլի պատմության մեծագույն խաղացողներից մեկը: Շնորհակալություն ամեն ինչի համար, Մատս, դու այնքան շատ բանի ես հասել: Շնորհավորում ենք ֆանտաստիկ կարիերայի համար: Սև և դեղին ընդմիշտ»,- ասվում է գերմանական ակումբի հայտարարության մեջ X սոցիալական ցանցում (նախկինում Twitter):
Իր կարիերայի ընթացքում Հումելսը հանդես է եկել այնպիսի ակումբներում, ինչպիսիք են Դորտմունդի «Բորուսիան», Մյունխենի «Բավարիան» և «Ռոման»։ 36-ամյա պաշտպանը «Բորուսիայի» կազմում ամենաշատ հանդիպումն է անցկացրել՝ 508։ Այս խաղերում նա դարձել է 38 գոլի և 23 գոլային փոխանցման հեղինակ։
Իր կարիերայի ընթացքում Հումելսը վեց անգամ հաղթել է Գերմանիայի առաջնությունը՝ երկու անգամ «Բորուսիայի» և չորս անգամ՝ «Բավարիայի» հետ։ Ֆուտբոլիստը նաև չորս անգամ նվաճել է Գերմանիայի գավաթը, վեց անգամ՝ երկրի Սուպերգավաթը։
