2035թ. Կանանց Աշխարհի առաջնությունը կանցկացվի Մեծ Բրիտանիայում, այս մասին գրում է The Times-ը։
Մեծ Բրիտանիան կհյուրընկալի 2035թ. Կանանց Աշխարհի առաջնությունը՝ լինելով ՖԻՖԱ-ի կողմից ընդունված միակ հայտատուն։ Հիմնական խաղերն անցկացվելու են Անգլիայում, սակայն Շոտլանդիան, Ուելսը և Հյուսիսային Իռլանդիան նույնպես կընդունեն հանդիպումներ։
Ենթադրվում է, որ եզրափակիչը կանցկացվի «Ուեմբլիում», սակայն քննարկվում է նաև «Մանչեսթեր Յունայթեդի» պլանավորած 100,000-տեղանոց նոր մարզադաշտը։
ՖԻՖԱ-ի նախագահ Ջանի Ինֆանտինոն ՈւԵՖԱ-ի համագումարում հայտարարեց, որ կանանց առաջնությունը նախատեսվում է մեծացնել՝ հասցնելով այն 48 թիմի՝ համապատասխանեցնելով տղամարդկանց առաջնությանը։
Ինֆանտինոն նաև նշեց, որ 2031թ. առաջնության միակ հայտատուն ԱՄՆ-ն է, որը կարող է առաջնությունը հյուրընկալել Կարիբյան կղզիների հետ համատեղ։
Մեծ Բրիտանիայի հայտի վերջնական հաստատումը նախատեսված է նոյեմբերին, սակայն մրցակցություն չլինելու պատճառով այն ձևական բնույթ է կրում։
