Մադրիդի «Ատլետիկոյի» գլխավոր մարզիչ Դիեգո Սիմեոնեն խոսել է «Բարսելոնայի» դեմ Իսպանիայի գավաթի 2024/2025 մրցաշրջանի կիսաեզրափակչի տնային պատասխան խաղում իր թիմի պարտության մասին։ Հանդիպումն ավարտվել է 0։1 հաշվով։
«Թիմը հանդես եկավ արժանապատվորեն։ Չնայած 4:5 հաշվով պարտությանը (խոսքը երկու հանդիպումերի ընդհանուր արդյունքի մասին է) մրցակցից, որը ցույց տվեց հիանալի ֆուտբոլ և արժանի էր հաղթանակին, մենք շարունակելու ենք պայքարել նույն հաստատակամությամբ։ Ես ոչնչի մասին չեմ մտածում, բացի այն բանից, որ առաջնությունն ավարտենք դրական նոտայի վրա։ Մենք շարունակելու ենք առաջ շարժվել՝ հանդիպում առ հանդիպում, ձգտելով կրճատել հեռավորությունը մեզանից առաջ գտնվող թիմերի հետ և զբաղեցնել մեր արժանի տեղը։
Այսօր առաջին խաղակեսում մենք լավագույնս հանդես չեկանք, բայց մրցակիցը չօգտվեց մեր թույլ կողմերից։ Դա թույլ տվեց մեզ պահպանել վստահությունը և երկրորդ կեսում դուրս գալ անհրաժեշտ տրամադրվածությամբ։ Մենք շատ մոտ էինք հաջողությանը։ Ինձ դուր է գալիս «Բարսելոնայի» խաղաոճը։ Ես արդեն խոսել եմ այդ մասին»,- մեջբերում է Սիմեոնեի խոսքերը Marca-ն։
Այսպիսով, «Բարսելոնան» երկու հանդիպման արդյունքով (5:4) դուրս եկավ մրցաշարի եզրափակիչ։ «Ատլետիկոն» լքեց պայքարը: Իսպանիայի Գավաթի եզրափակչում կատալոնացիները կմրցեն Մադրիդի «Ռեալի» հետ։
