Հայաստանի գավաթի խաղարկության քառորդ եզրափակչի շրջանակում այսօր երկու հանդիպում տեղի կունենա:
Օրվա առաջին խաղում «Վեստ Արմենիան» Շենգավիթի «Ջունիոր Սպորտ» մարզադաշտում կընդունի Չարենցավանի «Վանին»: Խաղը կմեկնարկի ժամը 16:00-ին: Թիմերի միջև Չարենցավանում կայացած առաջին խաղում «Վանը» 3:0 հաշվով հաղթանակ է տարել:
Օրվա մյուս խաղում «Նոան» Աբովյանի Վահագն Թումասյանի անվան մարզադաշտում կմրցի «Գանձասարի» հետ: Այս հանդիպման մեկնարկը 18:00-ին է:
Թիմերի միջև կայացած առաջին խաղն ավարտվել էր «Նոայի»՝ 3:0 հաշվով հաղթանակով:
Հիշեցնենք՝ երեկ Հայաստանի գավաթի խաղարկության կիսաեզրափակչի ուղեգիր են նվաճել «Փյունիկն» ու «Արարատ-Արմենիան»:
