Մադրիդի «Ատլետիկոյի» գլխավոր մարզիչ Դիեգո Սիմեոնեն մեղադրել է Եվրոպական ֆուտբոլային ասոցիացիաների միությանը (ՈՒԵՖԱ) «Ռեալի» հետ Չեմպիոնների լիգայի 1/8 եզրափակչի պատասխան խաղի ելքը որոշելու մեջ (1:0, 11մ.՝ 2:4):
Հիշեցնենք, որ այս խաղում Խուլիան Ալվարեսի՝ հետխաղյա 11-մետրանոց հարվածաշարում կատարած հարվածը չի արձանագրվել գնդակին կրկնակի հպման պատճառով։
«Մենք լավ հանդես եկանք Չեմպիոնների լիգայում, լավ մրցեցինք, հաղթեցինք երկրորդ խաղում, բայց ավարտեցինք այնպես, ինչպես որոշեց ՈւԵՖԱ-ն: Հաղթեցինք, բայց դուրս մնացինք: Ես դա ձախողում չեմ համարում. այն, ինչ կատարվեց, լիովին ակնհայտ էր»,- Սիմեոնեի խոսքերն է մեջբերում Goal-ը:
Չեմպիոնների լիգայի քառորդ եզրափակչում Մադրիդի «Ռեալը» ուժերը կչափի Լոնդոնի «Արսենալի» հետ։ Առաջին խաղը կկայանա ապրիլի 8-ին, պատասխան խաղը՝ ապրիլի 16-ին։
