Մադրիդի «Ռեալի» ուկրաինացի դարպասապահ Անդրեյ Լունինը կարող է առաջիկա ամռանը հեռանալ «արքայական» ակումբից։ Այս մասին հայտնում է Sporx-ը։
Աղբյուրի համաձայն՝ դարպասապահի ծառայություններով հետաքրքրված է Ստամբուլի «Գալաթասարայը»։ Թուրքական գրանդը Լունինին դիտարկում է որպես Ֆերնանդո Մուսլերային փոխարինող, ում պայմանագրի ժամկետը լրանում է հաջորդ ամառ։
«Գալաթասարայի» համար ուկրաինացին առաջնահերթ տարբերակ է։ Անդրեյը «արքայական» ակումբում է հանդես գալիս 2018 թվականից։ Նրա պայմանագրի ժամկետը «սերուցքայինների» հետ նախատեսված է մինչև 2030 թվականը։
Ընթացիկ մրցաշրջանում ուկրաինացին 10 հանդիպում է անցկացրել «Ռեալի» կազմում, որից 4-ում անառիկ է պահել սեփական դարպասը։ Խաղացողի տրանսֆերային արժեքը գնահատվում է 20 միլիոն եվրո։
