Չեմպիոնների լիգայի 2024/2025թթ․ խաղարկության 1/8 եզրափակչի առաջին խաղում Մադրիդի «Ռեալը» «Սանտիագո Բեռնաբեու» մարզադաշտում 2:1 հաշվով հաղթեց Մադրիդի «Ատլետիկոյին»։
Հանդիպման հաշիվը բացեց Ռոդրիգոն 4-րդ րոպեին։ Դիեգո Սիմեոնեի գլխավորած թիմի կազմում պատասխան գնդակը խփվեց 32-րդ րոպեին․ աչքի ընկավ Խուլիան Ալվարեսը։ Հաղթական գոլը խփեց Բրահիմ Դիասը 55-րդ րոպեին։
Մրցող թիմերի միջև կայանալիք պատասխան հանդիպումը մարտի 12-ին է։
