Իտալիայի Սերիա Ա-ի 27-րդ տուրում «Ռոման» սեփական դաշտում 2:1 հաշվով հաղթեց «Կոմոյին»։
Հյուրերը հաշիվը բացեցին առաջին խաղակեսում, սակայն երկրորդ կեսում Ալեքսիս Սալեմակերսը վերականգնեց հավասարակշռությունը։ Շուտով «Կոմոն» մնաց տասը խաղացողով, իսկ 76-րդ րոպեին Արտեմ Դովբիկի գոլը ապահովեց «Ռոմայի» հաղթանակը։
Այս արդյունքով «Ռոման» վաստակեց 43 միավոր՝ բարձրանալով ութերորդ տեղ, իսկ «Կոմոն» 28 միավորով 13-րդն է։
