Լա լիգայի նախագահ Խավիեր Տեբասը խոսել է «Բարսելոնայի» կիսապաշտպան Դանիել Օլմոյի գրանցման հետ կապված խնդիրների մասին։
«Երբ ասացի, որ սպասում եմ, դա այն պատճառով էր, որ սպասում էի, որ «Բարսան» կլուծի իր խնդիրները: Օգոստոսից «Բարսան» չորս ամիս ժամանակ ուներ լուծումներ գտնելու համար: Աշխատելու ժամանակ ու միջոց կար, բայց ուզում էին ամեն ինչ արագ լուծել՝ երեք օրում։
Հունվարի 3-ին «Բարսելոնան» տրամադրեց մեր խնդրած երաշխիքները, քանի որ ընկերությունն այնքան էլ վճարունակ չէր թվում, գումարը եկավ, այնուհետև այն գնաց Իսպանիայի սպորտային խորհուրդ (CSD), և 24 ժամվա ընթացքում որոշեց հարցը: Եվ դա խափանման միջոց էր, որը կասկածի տակ էր դնում որոշ բաներ։ Օլմոն ստորագրել է իր համաձայնագրերը՝ իմանալով, որ դեկտեմբերին կարող է չգրանցվել։ Նա գիտեր, որ դա կարող է պատահել իր հետ: Օլմոն չպետք է ավարտի Լա Լիգան «Բարսայի» հետ, մենք շատ հստակ հայտարարություն ենք արել»,- Տեբասի խոսքերն է մեջբերում Mundo Deportivo-ն։
Հունվարի 8-ին հայտնի դարձավ, որ Իսպանիայի սպորտի բարձրագույն խորհուրդը (CSD) ժամանակավորապես թույլատրել է Դանիել Օլմոյի և Պաու Վիկտորին ընդգրկել Լա Լիգայի, Իսպանիայի Գավաթի և Իսպանիայի Սուպերգավաթի հայտացուցակներում՝ չնայած Լա Լիգայի և Իսպանիայի թագավորական ֆուտբոլի ֆեդերացիայի մերժմանը։
Այս մրցաշրջանում Օլմոն ակումբի կազմում անցկացրել է 22 հանդիպում բոլոր մրցաշարերում՝ դառնալով 7 գոլի և երեք գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն իր ակումբի հետ ուժի մեջ է մինչև 2030 թվականի ամառը: Transfermarkt ինտերնետային պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 60 միլիոն եվրո։
