Բասկետբոլի ԱԱ. Սերբական լրատվամիջոցների արձագանքը Հայաստանի ընտրանու հաղթանակին

Բասկետբոլի աշխարհի 2027թ. առաջնության նախընտրական առաջին փուլի վերջին խաղում Հայաստանի ազգային հավաքականը Տիրանայում 91։70 հաշվով հաղթանակ տարավ Ալբանիայի հավաքականի նկատմամբ։

Հավաքականների միջև կայացած առաջին խաղում Հայաստանի հավաքականը 84:79 հաշվով կրկին առավելության էր հասել Ալբանիայի ընտրանու նկատմամբ։

Սերբական լրատվամիջոցներն անդրադարձել են Հայաստանի ընտրանու հաղթանակին։

Հայաստանի հավաքականը հաղթում է Ալբանիային և պահպանում որակավորման հույսերը

Բոգդան Կարայիչիչը, ով աշխատում է «Պարտիզանի» մարզչական շտաբում, ստացել էր անսպասելի առաջարկ՝ գլխավորել Հայաստանի բասկետբոլի ազգային հավաքականը փետրվարի խաղային պատուհանի ընթացքում: Հրավերը ստացվել էր NBA-ի փորձառու մարզիչ Ռեքս Կալմանի կողմից, որը չի կարողացել անձամբ ղեկավարել հավաքականը: Հայաստանը ուներ միայն մեկ հանդիպում՝ Ալբանիայի դեմ արտագնա խաղում, որտեղ Կարայիչիչի թիմը հաղթեց 91:70 հաշվով:

Հայաստանը խմբային փուլի մրցաշարը եզրափակեց 2-2 հաշվով՝ զբաղեցնելով երկրորդ տեղը Ավստրիայից (3-0) հետո և առաջ անցնելով Ալբանիայից (0-3): Հաջորդ փուլ դուրս գալու հարցը կախված է փետրվարի 23-ին կայանալիք Ռումինիա – Նորվեգիա հանդիպումից, որտեղ Հայաստանին ձեռնտու է ռումինացիների հաղթանակը:

Կարայիչիչի արձագանքը

«Մենք ընդամենը երեք մարզում ունեցանք, ինչը շատ կարճ ժամանակ է պատրաստվելու համար։ Տղաները մեծ նվիրում ցուցաբերեցին և արժանի հաղթանակ տարան: Հայերը շատ հպարտ ու տաքարյուն ժողովուրդ են, և ինձ համար մեծ պատիվ էր նրանց հետ աշխատելը: Պարզվեց՝ Հայաստանի բնակչությունը մոտ 3 միլիոն է, սակայն սփյուռքում ապրում է ավելի քան 11 միլիոն հայ, ինչը մեծ ներուժ է ներկայացնում հավաքականի համար, եթե բոլոր որակյալ խաղացողները ներգրավվեն։ Մեր նպատակն է դառնալ լավագույն երկրորդ տեղ զբաղեցրած թիմը և շարունակել պայքարը», – ասել է Կարայիչիչը:

Աղբյուրը` meridiansport, sportklub