Այսօր՝ փետրվարի 19-ին, ՈւԵՖԱ Չեմպիոնների լիգայի 2024/2025թթ․ խաղարկության 1/16 եզրափակիչի պատասխան խաղում Թուրինի «Յուվենտուսը» Էյնդհովենի «Ֆիլիպս» մարզադաշտում հյուրընկալվել էր հոլանդական ՊՍՎ-ին։
Մրցող թիմերի միջև առաջին հանդիպումն ավարտվել էր իտալական ակումբի հաղթանակով՝ 2:1:
Ֆուտբոլիստների գնահատականներն ըստ SofaScore-ի՝
Պատասխան խաղի հիմնական ժամանակն ավարտվեց տանտերերի առավելությամբ (2:1): Հանդիպման հաշիվը բացեց Իվան Պերիշիչը 53-րդ րոպեին։ Տասը րոպե անց Տիմոտի Վեան հավասարեցրեց հաշիվը, իսկ 74-րդ րոպեին Իսմայել Սայբարին կրկին առաջ մղեց հոլանդական թիմին։
Լրացուցիչ ժամանակի 98-րդ րոպեին ՊՍՎ-ի 3-րդ գոլը խփեց Ռայան Ֆլամինգոն՝ հաղթանակ պարգևելով Էյնդհովենի թիմին։
Հիմնական ժամանակում գրանցված գոլերի տեսագրությունը
Լրացուցիչ ժամանակում գրանցված գոլի տեսագրությունը
Այսպիսով, ՊՍՎ-ն 1/8 եզրափակիչում կհանդիպի Լոնդոնի «Արսենալին» կամ Միլանի «Ինտերին»։
Մրցաշարից դուրս մնացին «Բրեստը», «Սպորտինգը», «Մանչեսթեր Սիթին», «Ատալանտան», «Սելթիկը», «Միլանը» և «Մոնակոն»։
Հիշեցնենք, որ 1/8 եզրափակիչի վիճակահանությունը կկայանա այս ուրբաթ՝ փետրվարի 21-ին։
