«Մանչեսթեր Սիթիի» գլխավոր մարզիչ Խոսեպ Գվարդիոլան վստահ է, որ Էրլինգ Հալանդը լուրջ վնասվածք չի ստացել «Նյուքասլի» դեմ խաղում:
Երեկ՝ փետրվարի 15-ին «Մանչեսթեր Սիթին» 4:0 հաշվով հաղթել է «Նյուքասլին»։ 88-րդ րոպեին Հալանդը փոխարինվել է ծնկի հնարավոր վնասվածքի պատճառով։
«Երբ նա նստեց խոտածածկին, բոլորը վախեցան։ Բայց ի վերջո նա հեռացավ դաշտից ժպիտով, և բժիշկն ինձ վատ լուրեր չհաղորդեց, ուստի հույս ունեմ, որ նրա մոտ ամեն ինչ կարգին է։ Հնարավոր է, ամեն ինչ այնքան էլ վատ չէ, որքան կարող էր լինել», – ESPN-ը փոխանցում է Գվարդիոլայի խոսքերը։
Գվարդիոլան հույս ունի, որ Հալանդը պատրաստ կլինի Չեմպիոնների լիգայի 1/16 եզրափակչի պատասխան խաղին «Ռեալի» դեմ, որը կկայանա փետրվարի 19-ին: Առաջին խաղում «Մանչեսթեր Սիթին» պարտվել է 2:3 հաշվով, իսկ Հալանդը դարձել էր դուբլի հեղինակ։
