«Մանչեսթեր Սիթին» հաղթել է դատական գործընթացը Անգլիական Պրեմիեր լիգայի (ԱՊԼ) դեմ և հասել է նրան, որ ակումբների հովանավորչական գործարքներին վերաբերող APT կանոնները ճանաչվեն անվավեր, հայտնում է BBC-ն։
Կանոնները մշակվել էին ԱՊԼ-ի կողմից՝ կանխելու համար ակումբների եկամուտների ստացումը այնպիսի կոմերցիոն գործարքներից, որոնք կնքվել են նրանց սեփականատերերի հետ կապ ունեցող ընկերությունների հետ և որոնց արժեքը գերազանցում է «արդար շուկայական արժեքը»։
Նոյեմբերին ԱՊԼ-ն քվեարկեց կանոնների փոփոխությունների օգտին, չնայած «Նյուքասլի», «Նոթինգհեմ Ֆորեսթի», «Աստոն Վիլայի», ինչպես նաև «Մանչեսթեր Սիթիի» ընդդիմությանը։
Դատարանի այս որոշումը փաստացի նշանակում է, որ APT կանոնները, որոնք գործում էին 2021 թվականի դեկտեմբերից մինչև 2024 թվականի նոյեմբերը, այլևս ուժի մեջ չեն։ Ցանկացած ակումբ, որի գործը քննվել է այս կանոնների համաձայն, այժմ կարող է դատական հայց ներկայացնել վնասի փոխհատուցման համար։
