«Մանչեսթեր Սիթիի» բելգիացի կիսապաշտպան Կևին դե Բրույնեի ակումբից հեռանալու լուրերի ֆոնին Լևերկուզենի «Բայերի» գերմանացի կիսապաշտպան Ֆլորիան Վիրցը դարձել է «քաղաքայինների» տրանսֆերային գլխավոր թիրախը։ Այս մասին հայտնում են գերմանական ԶԼՄ-ները։
Bild պարբերականի հաղորդմամբ՝ «Բայերը» ներկայումս բանակցություններ է վարում 21-ամյա Վիրցի հետ՝ պայմանագրի ժամկետի երկարաձգման շուրջ։ Նոր պայմանագիրը կարող է ներառել 125 միլիոն եվրո հրաժարագին, որը կարող է ակտիվացվել 2026 թվականի ամռանից։ Ֆուտբոլիստի աշխատավարձը նույնպես կարող է զգալիորեն աճել։
Նշվում է, որ եթե գերմանական ակումբը չկարողանա համաձայնության գալ Վիրցի հետ, ապա պատրաստ կլինի նրան վաճառել այս ամռանը՝ 150 միլիոն եվրոյի դիմաց։ Ֆլորիանի գործող պայմանագրի ժամկետը «Բայերի» հետ նախատեսված է մինչև 2027 թվականի կեսերը։
Ընթացիկ մրցաշրջանում գերմանացի կիսապաշտպանը «դեղագործների» կազմում մասնակցել է 34 հանդիպման՝ դառնալով 15 գոլի և 12 գոլային փոխանցման հեղինակ։
