Մադրիդի «Ռեալի» վինգեր Ռոդրիգո Գոեսը մեկնաբանել է Սաուդյան Արաբիայի ակումբներից իր նկատմամբ հետաքրքրության մասին լուրերը։ Ավելի վաղ ԶԼՄ-ները հայտնել էին, որ «Ալ-Հիլալը» բրազիլացի ֆուտբոլիստին առաջարկել է 140 միլիոն եվրո աշխատավարձ:
«Ես շատ բան չգիտեմ առաջարկների մասին, հայրս, ով իմ գործակալն է, պետք է իմանա: Ես շատ երջանիկ եմ Մադրիդում։ Ես շատ երջանիկ եմ և ցանկանում եմ երկար տարիներ մնալ այստեղ, և շնորհակալ եմ ակումբին։ Ես չգիտեմ՝ ակումբը առաջարկներ ունի՞»,- Ռոդրիգոյի խոսքերն է մեջբերում Marca-ն։
Այս մրցաշրջանում Ռոդրիգոն բոլոր մրցաշարերում անցկացրել է 31 հանդիպում՝ դառնալով 12 գոլի և 8 գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2028 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 100 միլիոն եվրո։
