Անգլիական «Սանդերլենդի» մինչև 21 տարեկանների թիմի կազմում երկրորդ խաղում անընդմեջ գոլ է խփում։
Հատկանշական է, որ Հայաստանի Մ19 հավաքականի ֆուտբոլիստը կրկին գրավել է «Վուլվերհեմփթոնի» իրենց տարիքայինների թիմի դարպասը։ «Սանդերլենդի» թիմը ջախջախել է մրցակցին 5:0 հաշվով։
Հայազգի ֆուտբոլիստի ցուցադրած խաղին է անդրադարձել Sunderland Echo-ն՝ երկու խաղերից հետո առանձնացնելով վերջինիս հարձակողական հոտառությունը։
«Չնայած, որ երկուշաբթի երեկոյան ամբողջ ուշադրությունը սևեռված էր «Սանդերլենդի» առաջին թիմի հանդիպմանը «Միլդսբրոյի» հետ, ակադեմիայի թիմը նույնպես հանդիպում էր անցկացրել՝ 2։2 ավարտելով գավաթային հանդիպումը «Վուլվերհեմփթոնի» հետ։
Հերթական անգամ աչքի ընկավ 17-ամյա Ֆինն Գերագուսյանը, ով արդեն բավականին մեծ ճանաչում ունի։ Նա խփեց երկու գոլ՝ դրսևորելով հարձակվողի բնածին հոտառություն։
Գերագուսյանը շարունակում է ապացուցել, որ «Սանդերլենդն» ունի ևս մեկ տաղանդավոր ֆուտբոլիստ, ով արժանի է ավելի մեծ ուշադրության»,- գրում է Sunderland Echo-ն։
Այսօրվա խաղից հետո պարբերականը 10 հնարավորից 9 է գնահատել նրա ցուցադրած ելույթը․ «Օգնեց Ուոլշին գոլային փոխանցմամբ։ Նա իսկապես վտանգավոր խաղացող է և խփեց «Սանդերլենդի» հինգերորդ գոլը։ Փայլուն խաղ ցույց տվեց՝ ընդմիջումից հետո փոխարինելով Ահմեդ Աբդուլահիին։ Խելահեղ է, քանի որ նա դեռ ընդամենը 17 տարեկան է։ Ակնհայտ է, որ նա մեծ ապագա ունի»։
