Անգլիայի Պրեմիեր լիգայի ակումբները դիտարկում են ձմեռային տրանսֆերային պատուհանը երկու շաբաթով կրճատելու և ամառային տրանսֆերային պատուհանը մինչև մրցաշրջանի մեկնարկը փակելու տարբերակը։ Այս մասին հայտնում է The Telegraph-ը։
Աղբյուրի համաձայն, Անգլիայի առաջնության ակումբների նպատակն է նվազագույնի հասցնել մարզիչների և թիմերի անհարմարությունները, որոնք կապված են մրցաշրջանի մեկնարկից հետո խաղացողների հնարավոր տրանսֆերների հետ:
Ընդգծվում է, որ տրանսֆերային պատուհանների ժամկետների հնարավոր փոփոխության քննարկումը տեղի է ունեցել հինգշաբթի՝ փետրվարի 6-ին, Պրեմիեր լիգայի 20 ակումբների մարզական տնօրենների հանդիպման ժամանակ։ Սեփականատերերը, ղեկավարները և ակումբի այլ կարևոր գործիչներ կհանդիպեն հաջորդ շաբաթ՝ քվեարկելու այն ժամկետների վերաբերյալ, որոնց ընթացքում խաղացողները կարող են տեղափոխվել մի թիմից մյուսը:
