«Ռեալ Վալյադոլիդի» խոշորագույն բաժնետեր Ռոնալդո Նազարիոն չի նախատեսում ներկա գտնվել «Խոսե Սոռիլյա» մարզադաշտի տրիբունաներում, որտեղ նրան բացահայտ քննադատում են երկրպագուները։
Բրազիլացու և ակումբի երկրպագուների միջև լարվածությունը շարունակում է աճել, և Ռոնալդոն նախընտրում է խուսափել վիրավորանքներից ու դժգոհություններից, որոնք առաջանում են հանդիպումների ժամանակ։
2024 թվականի անհաջող մեկնարկից հետո Ռոնալդոն խոստացավ վաճառել իր բաժնեմասը, սակայն վաճառքի գործընթացը ձգձգվում է համոզիչ առաջարկների բացակայության պատճառով։
Այս մրցաշրջանում բրազիլացին Վալյադոլիդում եղել է ընդամենը երեք անգամ, ընդ որում՝ միայն մեկ անգամ ներկա գտնվելով թիմի խաղին։ Մյուս դեպքերում նա մասնակցել է բաժնետերերի հանդիպումներին՝ խուսափելով հրապարակայնությունից և մամուլի հետ շփումներից։ Ռոնալդոյի բացակայությունը ակումբում, հաճախակի անձնական գործերով ճանապարհորդությունները, ինչպես նաև նրա մասնակցությունը թենիսի մրցաշարերին ու դահուկավազքին հիասթափություն են առաջացնում երկրպագուների մոտ, որոնք չեն հասկանում, թե ինչու է նա այսքան քիչ ներգրավված ակումբի ճակատագրի մեջ։
Ակումբի տնտեսական իրավիճակն էլ է մտահոգիչ. հեռուստատեսային եկամուտների և ֆուտբոլիստների վաճառքի արդյունքում ստացած գումարների հետ միասին «Ռեալ Վալյադոլիդը» շարունակում է բախվել աշխատավարձերի սահմանափակումների և կազմի ամրապնդման խնդիրների հետ, ինչը միայն սրում է իրավիճակը։
