ACA-ի նախկին չեմպիոն Ալիխան Սուլեյմանովը MMA Metaratings-ին տված հարցազրույցի ժամանակ խոսել է Արման Ծառուկյանի վնասվածքի մասին։
«Առաջին անգամ եմ լսում, որ հեծանիվ վարելիս մեջքը վնասեն։ Այո, լինում են վնասվածքներ։ Շատ մարտիկներ վնասվածքների պատճառով հրաժարվում են մարտերից։ Ոմանք խելացի են և ժամանակին դուրս են գալիս, իսկ ոմանք՝ ոչ։ Հետո դու չես կարող արդարանալ պարտությունից հետո։ Ծառուկյանը շատ խելացի որոշում է կայացրել։ Եթե նա պարտվեր, դա կխոչընդոտեր նրա առաջխաղացմանը։ Սա ճիշտ որոշում էր։ Հիմա նա կգրանցի ևս մեկ հաղթանակ և նորից կկարողանա պայքարել տիտղոսի համար»,- ասել է Սուլեյմանովը։
Ծառուկյանը և Մախաչևը պետք է անցկացնեին ռևանշ UFC 311-ի շրջանակում։ Սակայն քաշ գցելու ընթացքում Ծառուկյանի մեջքի վնասվածքը սրվեց։ Նրա փոխարեն դուրս եկավ Ռենատո Մոյկանոն, որը պարտվեց Մախաչևին առաջին ռաունդում։
