ՊՍԺ-ի հարձակվող Ռանդալ Կոլո Մուանիի՝ «Յուվենտուս» տեղափոխությունը ուշանում է, քանի որ փարիզյան ակումբը գերազանցել է վարձակալությամբ ֆուտբոլիստների առավելագույն թույլատրելի քանակը։ Այս մասին հայտնում է Sky Sport Italia-ն։
Աղբյուրի տվյալներով՝ այս պահին ֆրանսիական գրանդի մեծահասակների թիմից վեց խաղացող հանդես է գալիս վարձակալությամբ, ինչը թույլատրելի սահմանն է։ Կոլո Մուանիի տեղափոխությունը ավարտին հասցնելու համար ՊՍԺ-ն պետք է առնվազն մեկ ֆուտբոլիստ վերադարձնի վարձակալությունից։ Նշվում է, որ ամենայն հավանականությամբ, Ֆրանսիայի չեմպիոնը կվերադարձնի դարպասապահ Լուկա Լավալիին։
Ավելի վաղ «Յուվենտուսի» գլխավոր մարզիչ Տիագո Մոտտան հաստատել էր, որ Կոլո Մուանին կդառնա թուրինյան ակումբի խաղացող։
