Իսպանիայի Սուպերգավաթի եզրափակիչից առաջ Մադրիդի «Ռեալի» կիսապաշտպան Ֆեդերիկո Վալվերդեն մամուլի ասուլիսի ժամանակ խոսել է «Բարսելոնայի» հետ կայանալիք խաղի մասին։
«Այսօր մեզ սպասում է ևս մեկ եզրափակիչ և տարվա առաջին գավաթը նվաճելու հնարավորություն։ Ոչ այնքան հաջող մեկնարկից հետո մենք վերադարձել ենք ճիշտ ուղի։ Տիտղոսը ոգեշնչում է և խթանում հաջողությամբ անցկացնել մրցաշրջանի մնացած մասը։ Առջևում ամենադժվարն է, այդ թվում՝ շատ ուժեղ մրցակից, բայց հաղթանակի դեպքում այս տիտղոսը շատ կօգնի մեզ։
Ես ուրախ եմ, որ շարունակում եմ խաղալ, հատկապես հիմնական կազմում։ Շատ ուրախ եմ, որ մարզիչը վստահում է ինձ։ Արքայական գավաթի խաղի ժամանակ նա ասաց, որ ինձ անհրաժեշտ է հանգիստ, և ես խաղացի միայն 45 րոպե՝ արդյունքում բոլորը գոհ մնացին։ Ես շարունակում եմ ավելացնել խաղերի թիվը և հույս ունեմ հետք թողնել «Մադրիդում»։
Շատ հպարտ եմ, երբ լսում եմ ծնողներիս ու ընտանիքիս գովասանքը։ Իսկ հանգստանալ ես կկարողանամ ամռանը։ Ես հեռու եմ երեխաներից, իսկ նրանց հետ ամբողջ օրը խաղալը շատ հոգնեցուցիչ է։
Ես չեմ արտահայտի իմ կարծիքը Դանի Օլմոյի և Պաու Վիկտորի վերաբերյալ, դա իմ գործը չէ։ Իմ գործն է կենտրոնանալ «Մադրիդի» խաղերի վրա։ Իհարկե, նրանց համար հեշտ չէ։ Երբ դու ֆուտբոլիստ ես, ամենից շատ ուզում ես խաղալ։
Ինչ վերաբերում է Մբապեին, ես չեմ կարող սովորեցնել մի խաղացողի, ով հաղթել է աշխարհի առաջնությունը, խաղացել է ևս մեկ աշխարհի առաջնության եզրափակիչում և հաղթել է ամեն ինչ Ֆրանսիայում։ Նա լեգենդ է, աշխարհի լավագույններից մեկը, և նա գիտի, թե ինչ է անում»,- նշել է Վալվերդեն։
