«Մանչեսթեր Սիթիի» գլխավոր մարզիչ Խոսեպ Գվարդիոլան հավանություն է տվել Ուզբեկստանի հավաքականի և «Լենսի» 20-ամյա պաշտպան Աբդուկոդիր Հուսանովի տրանսֆերին։ Այս մասին հայտնում է լրագրող Ֆաբրիցիո Ռոմանոն X սոցիալական ցանցում (նախկինում՝ Twitter):
Ավելի վաղ հայտնի էր դարձել, որ անգլիական ակումբը ֆրանսիացուն առաջարկ է արել 50 միլիոն եվրոյի չափով՝ ներառյալ բոնուսները։ Ինքը՝ Հուսանովը, «անհամբերությամբ» սպասում է «Մանչեսթեր Սիթի» տեղափոխվելուն, որը նրան երկարաժամկետ պայմանագիր է առաջարկում։
Հուսանովը «Լենսում» հանդես է գալիս 2023 թվականից։ Ֆուտբոլիստի պայմանագիրն ակումբի հետ նախատեսված է մինչև 2027 թվականը։ Այս մրցաշրջանում Հուսանովը «Լենսի» կազմում անցկացրել է 16 հանդիպում բոլոր մրցաշարերում, որոնցում կատարել է մեկ գոլային փոխանցում։
