Սաուդյան Արաբիայի «Ալ-Հիլալ» թիմի բրազիլացի հարձակվող Նեյմարը խոսել է իր պրոֆեսիոնալ կարիերայի լավագույն փուլի մասին:
«Իմ մարզական լավագույն տարիները եղել են ՊՍԺ-ում. Բայց տխուր էր, քանի որ հաճախ շատ լուրջ վնասվածքներ էի ունենում, որոնք տևում էին 3-4 ամիս։ Սա ինձ իսկապես անհանգստացրեց: Բայց ֆուտբոլային առումով ՊՍԺ-ի Նեյմարը լավագույն Նեյմարն էր իմ ողջ կարիերայի ընթացքում։ Ես ուրախ եմ, որ կարողացա իմ ֆուտբոլն առաջարկել ֆրանսիացիներին»,- Նեյմարի խոսքերն է մեջբերում RMC Sport-ը։
Նեյմարը դարձել է «Ալ-Հիլալի» խաղացող 2023 թվականի օգոստոսին։ Նրա պայմանագիրը սաուդյան ակումբի հետ նախատեսված է մինչև 2025 թվականի հունիսը: Transfermarkt պորտալի տվյալներով՝ հարձակվողի տրանսֆերային արժեքը գնահատվում է 30 մլն եվրո։ Նախկինում ֆուտբոլիստը հանդես է եկել ՊՍԺ-ում, «Բարսելոնայում» և բրազիլական «Սանթոսում»:
