«Նյուքասլի» բրազիլացի ֆուտբոլիստ Ժոելինտոնը կրկին ենթարկվել է կողոպուտի, հաղորդում է The Sun-ը։ Ըստ հրապարակման՝ գողերը կրկին ներխուժել են նրա տուն, ինչն արդեն երկրորդ դեպքն է այս տարի՝ հունվարյան միջադեպից հետո։
Այս տհաճ դեպքի մասին պատմել է հենց ֆուտբոլիստը՝ կիսվելով հաղորդագրությամբ իր սոցիալական ցանցերի էջերում։
«Մեր տունը կրկին թալանեցին։ Բոլոր նրանց, ովքեր մտածում են դա անել, իմացեք, որ այստեղ այլևս ոչինչ արժեքավոր չի մնացել։ Ամենից շատ մեզ անհանգստացնում է մեր ընտանիքի անվտանգությունը և այն, որ մեր երեխաները մեծանան առանց վախի», — գրել է բրազիլացին։
Մի քանի օր առաջ Ժոելինտոնը կիսվել էր լուսանկարներով՝ ընտանիքի հետ արձակուրդն անցկացնելով Դուբայում։ Ֆուտբոլիստը և իր զուգընկերը մեծացնում են երեք երեխաների։
Հիշեցնենք, որ ավելի վաղ Ժոելինտոնն արդեն ենթարկվել էր կողոպուտի։ Գողերը ներխուժել էին նրա տուն 2024 թվականի հունվարին, երբ նա ընտանիքի հետ գտնվում էր «Սենթ Ջեյմս Պարկ» մարզադաշտում՝ աջակցելով «Նյուքասլին»՝ «Մանչեսթեր Սիթիի» դեմ խաղում։
Ֆուտբոլիստին ահազանգի ազդանշան էր հասել հեռախոսի վրա, ինչից հետո նա անմիջապես տեղեկացրել էր ոստիկանությանը։ Իրավապահ մարմինները շտապ ժամանել էին դեպքի վայր, բայց գողերը հասցրել էին փախչել։
