Իսպանացի նախկին մրցավար Էդուարդո Իտուրալդե Գոնսալեսը վստահ է, որ անհրաժեշտ էր դաշտից հեռացնել Մադրիդի «Ռեալի» աստղ Վինիսիուս Ժունիորին այն բանից հետո, երբ բրազիլացին ասել է, որ Չեմպիոնների լիգայի 4-րդ տուրի իտալական «Միլանի» հետ հանդիպման սլովենացի մրցավար Սլավկո Վինչիչը «խելագար» է։ Այս մասին հայտնում է իսպանական AS հրատարակությունը։
Աղբյուրի համաձայն՝ իսպանացի նախկին մրցավարը, որը վերանայել է հանդիպման վիճահարույց դրվագները, անարդարություն է տեսնում նրանում, որ Վինիսիուսը երբեք խաղադաշտից չի հեռացվել իր սադրանքների համար։ Իսկ «Միլանի» հետ խաղում, որն ավարտվել է իտալացիների հաղթանակով 3։1 հաշվով, բրազիլացին ակնհայտորեն հատել է մրցավարի հետ շփման սահմանները։
Նախկինում հաղորդվում էր, որ հանդիպման 70-րդ րոպեին մադրիդյան թիմի վինգեր Վինիսիուսը մրցավարին անվանել է «խելագար» և այն ուղեկցել տարբեր ժեստերով, ինչի համար անմիջապես պատժվել է դեղին քարտով։
Այս մրցաշրջանում Վինիսիուսը բոլոր մրցաշարերում մասնակցել է 16 հանդիպման, որոնցում դարձել է ինը գոլի և 7 գոլային փոխանցման հեղինակ։
