«Մանչեսթեր Սիթիի» գլխավոր մարզիչ Խոսեպ Գվարդիոլան արձագանքել է «Արսենալի» գլխավոր մարզիչ Միկել Արտետայի այն խոսքերին, որ նա «ինչ-որ բան գիտի» «քաղաքաբնակների» մասին։
Հիշեցնենք, որ Անգլիայի Պրեմիեր լիգայի 5-րդ տուրի խաղը, որտեղ հանդիպեցին «Արսենալը» և «Մանչեսթեր Սիթին», ավարտվեց 2:2 հաշվով:
«Դուք պատերա՞զմ եք ուզում․ մենք պատերազմում ենք։ Գաբրիելը խաղից հետո հրաշալի ասաց՝ «Սա պատերազմ է, մենք պետք է սադրենք հակառակորդին, հարվածենք նրան։ Սա խաղի վերջն է, ի՞նչ կարող եք անել»: Մենք ամեն ինչ լսեցինք։ Դուք մեզ սադրո՞ւմ եք․ շատ լավ։
Արտետան ինչ-որ բա՞ն գիտի մեր մասին: Հաջորդ անգամ նա պետք է ավելի հստակ արտահայտվի։ Միկելն ասաց, որ ինքն այստեղ է եղել չորս տարի, և մենք հստակ հիշում ենք, թե այդ ժամանակ ինչ էր տեղի ունենում։ Իր խոսքերը կարող են կապված լինել 155 մեղադրանքների հետ», — Գվարդիոլայի խոսքերը մեջբերում է լրագրող և ինսայդեր Ֆաբրիցիո Ռոմանոն X սոցիալական ցանցում:
Ավելի վաղ «քաղաքաբնակների» խաղացողները նշել էին, որ «զինագործները» հանդիպման ժամանակ օգտագործել են ոչ ֆուտբոլային մեթոդներ, որպեսզի կարողանան պահել հաշիվը։
Դրանից հետո Արտետան արձագանքել էր ակումբի հասցեին հնչած քննադատությանը՝ նշելով, որ նա որոշակի տեղեկություններ ունի «Մանչեսթեր Սիթիի» մասին։
