«Բարսելոնայի» նախկին ֆուտբոլիստ Տիագո Ալկանտարան մտադիր է հունվարին վերադառնալ «Բլաուգրանայի» մարզչական շտաբ։ Այս մասին հայտնում է Relevo-ն։
Հիշեցնենք, որ հուլիսին Հանս-Դիտեր Ֆլիկի շտաբում նշանակվելուց հետո Ալկանտարան աշխատեց ընդամենը մեկ ամիս, որից հետո ակումբը հայտարարեց նրա հեռանալու մասին։
Աղբյուրի համաձայն՝ իսպանացու այս որոշման պատճառ է դարձել 2024 թվականին հարկային խնդիրները լուծելու համար Մեծ Բրիտանիա հնարավորինս շուտ վերադառնալու ցանկությունը, որտեղ նա 2020-ից 2024 թվականներին հանդես է եկել «Լիվերպուլի» կազմում։
Հաղորդվում է, որ «Բարսելոնան» գոհ է Տիագոյի աշխատանքից, որը մարզչական շտաբում իր ներկայության ընթացքում դարձել է Ֆլիկի լավագույն դաշնակիցներից մեկը: Նա կենտրոնացած էր հիմնականում կիսապաշտպանների հետ աշխատելու վրա։ Կողմերը ներկայումս քննարկում են հունվարին հնարավոր վերամիավորման հարցը:
Ալկանտարան հայտարարեց խաղացողի իր կարիերան ավարտելու մասին 2024 թվականի հուլիսի 8-ին։
