Պեպեն իր երախտագիտությունն է հայտնել բոլորին, ովքեր օգնել են իրեն ֆուտբոլային կարիերայի ընթացքում։ 41-ամյա պաշտպանը երեկ հայտարարել էր կարիերան ավարտելու մասին։
«Ես ուզում եմ շնորհակալություն հայտնել Աստծուն, որ ինձ իմաստություն է տվել՝ հետևելու իմ ճանապարհին: Ես չեմ կարող շնորհակալություն չհայտնել բոլոր ակումբների նախագահներին, ովքեր հավատացին ինձ: Այն ակումբների բոլոր աշխատակիցներին, որտեղ ես եղել եմ։ Նրանք թիմերի հոգին են:
Ես երախտապարտ եմ իմ բոլոր գործընկերներին և մարզիչներին, ովքեր ինձ դրդեցին աճել և դառնալ ավելի լավն ամեն օր: Ես շնորհակալ եմ բոլոր երկրպագուներին, ովքեր իմ ֆուտբոլային ճանապարհորդության հոգին են։ Նրանց աջակցությունն ինձ թույլ տվեց թռչել դեպի իմ երազանքը։ Ես պետք է դառնայի պրոֆեսիոնալ ֆուտբոլիստ և դարձա:
Շնորհակալ եմ բոլոր ընկերներիս և ընտանիքիս, հատկապես կնոջս, ով միշտ եղել է իմ աջակցությունը։ Ես հանգիստ խղճով եմ ավարտում կարիերաս։ Շնորհակալ եմ բոլորիդ և երախտագիտությամբ գրկում եմ ձեզ»,- ասել է Պեպեն, ում խոսքերը մեջբերում է O Jogo-ն։
