Անգլիական «Տոտենհեմի» հարձակվող Բրայան Հիլն ընթացիկ մրցաշրջանը վարձավճարով կանցկացնի իսպանական «Ժիրոնայում»։
Բրայան Հիլը «Տոտենհեմում» հանդես է գալիս 2021 թվականից։ Այս ընթացքում եզրային հարձակվողը լոնդոնցիների կազմում անցկացրել է 43 հանդիպում բոլոր մրցաշարերում, որոնցում կատարել է երկու գոլային փոխանցում։ Ֆուտբոլիստի պայմանագիրը լոնդոնյան ակումբի հետ ուժի մեջ է մինչև 2026 թվականի հունիսի վերջը։ Ֆուտբոլիստի գնահատված արժեքը, ըստ Transfermarkt ինտերնետային պորտալի, կազմում է 14 միլիոն եվրո։ Ֆուտբոլիստը նաև չորս հանդիպում ունի Իսպանիայի ազգային հավաքականի կազմում։
Հիշեցնենք, որ «Ժիրոնան» ավարտել է իսպանական Պրիմերայի 2023/2024 մրցաշրջանը՝ զբաղեցնելով երրորդ տեղը։
