«Բենֆիկայի» և Արգենտինայի հավաքականի կիսապաշտպան Անխել Դի Մարիան կիսվել է ազգային հավաքականի հետ անցկացրած վերջին խաղից իր հույզերով:
«Սկալոնին ինձ ասաց, որ պետք է ևս մեկ խաղ խաղամ ծափողջույնների համար, բայց սա վերջն է: Այսօրվա հանդիպումը վերջինն էր. Խոստացա գնալ և տեսնել նրանց (երկրպագուներին): Այսօրվա բոլոր զգացմունքները շատ տարօրինակ էին։ Ես չեմ կարող ավելին խնդրել»,- Դի Մարիայի խոսքերը մեջբերում է լրագրող Գաստոն Էդուլը X սոցիալական ցանցի իր էջում (նախկինում՝ Twitter):
Արգենտինայի հավաքականի կազմում Անխել Դի Մարիայի վերջին հանդիպումը 2024 թվականի Կոպա Ամերիկայի եզրափակիչն էր, որում արգենտինացիները հաղթեցին Կոլումբիայի հավաքականին (1:0): Ֆուտբոլիստը հայտնվել է Ալբիսելեստեի մեկնարկային կազմում ու փոխարինվել 117-րդ րոպեին, երբ հաշիվը 1:0 էր հօգուտ արգենտինացիների։ Փոխարինման մեկնելիս Դի Մարիան արտասվել է։
